زينا خليل-
إمك… يلي ربتك كل هالسنين
إوعك تحاسبها وتقلها إنتِ قلتي وليش عملتي هيك
الأم ما بتتحاسب ولا بتتعاقب
ولا تجرب يوم من الأيام تحسسها بالذنب
مهما عملت ومهما غلطت .. ماتحاول تغيرها
افتحلها بيتك واستقبلها بمحبة وحنان
إنت ما شفت هي كيف عاشت والأصح شو عاشت
واديش ضحت من نفسها لتوصل انت للشي يلي إنت فيه اليوم
هيدا مش بس تعبك هيدا تعب إمك
هي مرّت بمراحل كتيرة…
يمكن بفقر او انكسار او احباط
كلو كرمال توصل إنت وتكون “رجال” وأنتي تكوني “ست الستات”
ما تبخل عليها بـ اهتمامك، خليها تفرح ع فرحك
وشاركها بإيامك الحلوة مع عيلتك
فنجان قهوة مع جلسة صغيرة ما رح يخسروك شغلك
ايه، ما تنسى انها سهرت عليك لما كنت تتعب أو تمرض
ودرستك وصلتك لأعلى القمم ع حسابها
أوعك تخلي حدى أهم منها… هي أهم من الكل
وضلك منتذكر : اذا لغيت امك من حياتك رح تجني نفس الثمرة يومًا ما.
