– إيدو بيضا : يعني صاحب فضل و خير ومعروف.

– إيدو ماسكة : بخيل .

– إيدو خضرا : يزرع و تُثمِر زريعته.

– إيدو طايلة : بيقدر يعمل شغلات كتيرة .

– إيدو واصلة : واسطتو قوية .

– إيدو طويلة : يؤذي من حوله ..

– إيدو خفيفة : حرامي لص شاطر .

– إيدو فاروطية : مبذر ، مسرف .

– إيدو ع قلبو : بيخاف كثير .

– إيدو و الكف : عصبي ، ما في معو تفاهم .

– إيدي بحلقو : صارف عليه و عازمو ألف مرة.

– إيدي بزنارك : بطلب مساعدتك .

– إيد من ورا و ايد من قدام : مفلّس و ما معو شيء.

– جايه يلولح بإيديو : راجع مو جايب شيي معو .

– إيدك وما تعطيك: تهديد ، إِلي بيطلع بيدك سويه .

– على حطة أيدك : متل ما أنا لا تغيير.

– اللي ايدو بالمي مو متل اللي ايدو بالنار : مو هكلان هم ناس .

– ماسكو من ايدو الي بتوجعو : ماسك عليه ممسك.

– ايدي عراسك : احلف بدون كذب ..

– شو طالع بايدي : اللي مغلوب على امرو .

وأحلى شي: ربنا ياخد بإيدك يعني ربنا ياخد بقلبك، بقوتك، بمواهبك، بقدراتك… ربنا يشيل معك كل همّ وضيقة لأنو الرب راعي كل الدرب… ومعو منوصل لمراعي خضرا وخصبة….

حط إيدك بإيد الرب وما تخاف

يا رب ما كون نسيت ولا ايد

الأب فادي روحانا-