رغم كل الوجع
رغم انعدام النوم
رغم كل شئ أثر عليكي
اشبعي منهن
اوقات كتير بوصل لانهيار عصبي من قلة النوم والبكاء المتواصل بدون سبب بالنسبة الي
لكن برجع بقول شو ذنبها ، البكاء وسيلتها الوحيدة للتعبير
حقك علي
بحطها بحضني وبضمها وبحاول هديها
قالولي
لا تشيليها بتتعود
لما تبكي اتركيها شوي ورح تهدى لحالها
انتي لسا شفتي شي؟؟
طب وين المشكلة رح شيلها وتتعود ليش هي بتعرف غيري؟؟
بس بالحقيقة انا يلي اتعودت عليها
انا يلي اتعلقت فيها
أنا يلي حياتي احلوت فيها
شوي ورح تكبر وتخجل تقعد بحضني
ما رح تنام جمبي و شم ريحتها
رح تكبر ويصير الها رفقات غيري، والبيت رح يهدى من الشقاوة والكركبة اللي كانت بدايقني ويصير فاضي
ويلي رح اتمنى انو يوم يرجع مرة تانية
اشبعوا من ولادكن وشقاوتهن وصوتهن وصريخهن
شبعوهن من حنانكن رح يرجع هالشي عليكن انتوا
