بالأيام الماضية، وقبل ما تطغى التكنولوجيا ومحطّات الأرصاد الجويّة، كان “الختايرة” يلجؤوا إلى خبرتهم الطويلة بالطبيعة ليتنبّأوا بالشتوية. ومن أبرز الوسائل اللي اعتمدوها كانت “بصلة الفار” (Drimia maritima).

كان المعتقد إنّو إذا زهرة هالنبتة بتتفتّح قبل ١٤ أيلول (عيد الصليب)، معناها الشتوية رح تكون قاسية وباردة، لأنّها بتزهّر وبتكبّ زهرها بسرعة قبل ما يبلّش البرد القارس، لضمان التكاثر. أمّا إذا ما تفتّحت قبل هالتاريخ، فكانوا يقولوا إنّ الشتوية رح تجي خفيفة أو معتدلة.

هيك كان الإنسان يعيش بتناغم مع الأرض ويقرأ إشاراتها، يلاقي بالطبيعة ساعة ودفتر تنبّؤ. واليوم، رغم كل التطوّر، بعدنا منرجع لهالحكم القديمة لنقارن ونبتسم.