بقلم الأب الأب ثاوذورس داود-
هل فكرت شي مرة إنّو يلي بتحبهم يمكن بكرا ما يكونوا معك؟ يعني إنك توعى وما تلاقيهم؟
اغمرهم اليوم وحّبهم اليوم لأن هالبكرا أكيد رح يجي شي يوم، القصة بس قصة وقت.
الحياة يا صاحبي قصيرة، وما حدا غيّر العالم قبلك لتقدر إنت تغّيرو، غيّر حالك وما حدا قدّك. مشكلة الناس إنّو كل واحد بدو يغيّر غيرو من هيك ما حدا رح يتغيّر. بقول أحد القديسين :” يلي بغيّر حالو بغيّر ٧ آلاف شخص حدّو”
حاج مركّز على خطايا الناس وعيوبهم، كلّك خطايا وعيوب بس انت بترفض تشوفها ودايماً بتبرّرها وهيدا أخطر من الخطيّة ذاتها.
المسيح نفسو ما دان بهالدّني يا صاحبي، ” ما جئت لأدين بل لاخلّص” بعدين رح يبقى يْدين كإله ” كما أسمع أحكم وحكمي عادلٌ” ليش بدك تاخد دور المسيح ؟
بس نتعلم نلتهي بحالنا ونشوف ضعفاتنا بنلتهي نتسلى بالناس ونعمل حيطان بيننا وبينن. حبّوا بعضكم، وعبروا عن هالمحبة بأعمال وكلمات ومواقف. حبّوا بعضكم اليوم، يمكن ما تلاقوهم بكرا لتحبوهم أو حتى لتعتذروا منهم او يمكن لتسامحوهم.
