مكرم غصوب-
شو أكتر شي بتحبه وما بتحبه؟
– الوقت.
شو اكتر شي بوجعك؟
– الفقد… وفكرة الاختفاء.
شو اكتر شي بيقهرك؟
– كذب الناس.
شو اكتر شي بمتّعك؟
– الخلق والابداع.
العقل أو العاطفة؟
-العاطفه المُدرَكَه المُدرِكه.
العلاقه أو الحريّه؟
-العلاقه المنتجه للحريّه.
المرأه او الرجل؟
-الإنسان.
البدايه او النهايه؟
-الطريق
السؤال أو الخيال؟
-ما في نسر بحلّق بجناح واحد.
الشعر او الفلسفه؟
– الحبّ.
الأكل؟
-لازم يشبّع عيوني بالأول.
القهوه؟
-نكهة الغيب ومرارة الحب الأحلى من العسل.
كرة القدم؟
-فلسفة وعلم نفس وعلم اجتماع.. ورياضه
الموسيقى؟
-سماء اليوم السابع.
الجنس؟
-شكل من أشكال الصلا.
الحشيشه؟
-مفعولها كتير خفيف بالنسبه للخلق والابداع.
البوسه؟
– أول الانسانيٌه.
