بقلم الأب فادي روحانا –
ما تتعلّق بحدا… حتى خيالك بيتركك بالفيّ !
ما تتعلّق بحدا… كل شي وقتي، مجد باطل…
حبّ هالدني لأنها نعمة بس ما تتكمش بتيابها… التياب بتبوخ وبتهتري…
حب هالناس لأنن زهر ع دربك! بس هالزهر بيدبل بالخريف…
حب الحبيب لأنو قنديل أيامك، بس هالقنديل بيطفي لما بيخلصو زيتاتو…
حبّن بهالعمر بس خلّي بيناتكن فجر…
حبّن بهالعمر بس خلّي بيناتكن جنينة زهر…
حبّن بصمت الصخر، وحبّن بدفق النهر…
حبّن عالهدا، ما بتجرح حدا… حبّن بحريّة مش عبوديّة…
حبّن بعمق مش بخنق…
حبّن بروح الرب ليبقى الحبّ…
ما تتعلق بحدا خلّي بيناتكن شويّة مدى…
