في ناس خِسرِت شغلها وبعدها بتقول متل ما الله بيريد!
في ناس عم بتحارب مرض السرطان صرلا سنين، بتشوفُن عم يضحكو ويقولولك متل ما الله بيريد!
وفي ناس وضعُن المادّي تحت الأرض وبالكاد عم بيجيبوا خبز لأولادن وبس تُعرُض مساعدة عليهن بيقولولك نحنا مناح ومش عايزين شي ومتل ما الله بيريد!
مع كل التعب والهّم والفقر وبعدُن بيقولولك متل ما الله بيريد!
مين معلّمكُن تقولوا هيك؟:
“نحنا تخرّجنا من بستان الزيتون ومعلّمنا هو ورايح عالموت قال متل ما الله بيريد وحِمِل الصليب ومتل ما الله بيريد ومات متل ما الله بيريد وبس قام من بين الأموات عرفنا شو الله بيريد”.
فمتل ما الله بيريد.
