مين قال ما بيتخانقوا وع أبسط الاشيا بيتناقروا
مين قال كل شوي بيقلها بحبِك وهيي كل شوي بتقلو اشتقتلك
مين قال حياتهن ما فيها صعوبات ومشاكل
مين قال هيي ما بكيت من وراه وهو ما عصب من وراها
مين قال ومين قال…
صح هو كلن بيصيروا بس اني بقلكن شابوا شعراتن سوا وما زهقوا من بعض ومرت السنين وبعدن مع بعض مش لان هو كلن ما صاروا لا هو كلن صاروا بس الأهم:
انهن تخانقوا وتناقروا ع أبسط الاشيا اي بس تصالحوا بسرعة ما تركوا الخلاف يدوم
مش كل شي بالحكي، أفعالو وأفعالها بيأثبتوا حبن وشوقن ولهفتن لبعض ولو ب”أكلة بحبها” و “كزدورة بتحبها”
مرقوا بصعوبات ومشاكل تجاوزوها مع بعض مش ضد بعض
زعلت منو وبكيت بس قرر يعتذر ويمسح دموعها وما يتركا تنام باكية، وعصب منها ومن تصرف عشوائي عملتو بس اجت واعتذرت وما تركتو ينام متضايق منها
النصيحة بتقول :
الفكرة مش بالحياة المثالية لإن نحن مش مثاليين الفكرة انو نعترف بالغلط اذا عملناه ونسامح بعض وما نترك الخلاف يدوم ونترك الشريك يضل يفكر بالاشيا السلبية
حلو دايماً نترك أثر طيب ببعض ولو تخانقنا خلينا بس نتذكر المشكل نبتسم انو انتهى بكلمة حلوة ولمسة محبة
