زينا خليل–
نحن ما منتعود إلا إذا مات فينا شي …
تصور حجم شو مات فينا حتى تعودنا على كل شي عم بيصير حولنا…
تصور اديش صرنا بلا مشاعر …
اولاد ما عندها دفا ولا غطا ولا حتى ماي وخبز…
ونحن كلنا سوا شايفين هالشي عادي ومكملين طبيعي…
ما تقلي عم تشكي… المش طبيعي نتعود ع الأمر…
المش طبيعي نشوف اطفال حافية بالبرد والوطن العربي مليان صرامي قديمة وجديدي…
المش طبيعي نتجاهل الحق ونمشي مع الباطل لنحمي حالنا
المش طبيعي انو انت وانا نصَدِق ناس سرقونا ونهبونا بدون هلق يخلصونا
المش طبيعي نتجاهل تاريخ جدودنا وتضحياتون ونمشي مع الماشي
المش طبيعي ننسى انو شهادة الدم هي يلي بنوصلك وبتوصلني ليكون عندي كرامة وعنفوان وعزة نفس
المش طبيعي انت وانا ننسى انو المسيح يلي من آمن في انصلب ليخلصنا من الباطل
المش طبيعي نضل هيك مكملين مِعميين وبلا قضية وهدف…
والمش طبيعي انو ننسى نحنا مين. نحنا مين؟
نحنا ولاد هيدا الشرق!
