بكل بيت لبناني مسيحي منلاقي الياس او شربل، شو هالسر هيدا! شو هالحب الكبير لهالقديسين!
مار الياس يلي اختار يواجه الملك بقوّة و شجاعة و يوقِّف انتشار الوثنية و كان مدعو انو يكون صوت عالي ليوَعّي الشعب و يرجّعه لله و مار شربل يلي اختار حياة العزل و الوحدة و الصمت و الصلاة ليجذب الناس لله.
و الاثنين كان عندن هدف واحد: يرجّعوا الإنسان لله. واحد عملها بصوت هزّ شعب كامل، والتاني بصمت هزّ العالم كلّه، و الاثنين إشتهروا بعجائبن يلي حيّرت العالم كلّه.
يمكن من هيك و بعد مئات و آلاف السنين، بعدنا منسمّي ولادنا “الياس” و “شربل” لأن هالقديسين بيجمعوا كل الصفات الحلوة متل الشجاعة، القوّة، الغيرة على الايمان، الحب، الصلاة، الصمت،….
من صفحة The world
